Stjórnendaráðgjöf

Faglegur og óháður stuðningur við stjórnendur og stjórnateymi til að efla ákvarðanatöku í flóknu rekstrarumhverfi. Eski er bakland forstjóra, framkvæmdastjóra og stjórnar - sem ráðgjafi á bak við tjöldin, þátttakandi í stjórnendateymi um tíma eða sem áhrif inn í stjórn - þegar taka þarf stórar ákvarðanir, skerpa á hlutverkum og samstarfi í stjórnendateyminu eða styrkja einstaka stjórnendur í hlutverki sínu.

​

Kannastu við þetta?

• Þú ert efst í skipuritinu og hefur engan til að ræða erfiðustu ákvarðanirnar við af hreinskilni.

• Stjórnendateymið fundar mikið en ákvarðanir eru teknar annars staðar - eða alls ekki.

• Nýr stjórnandi hefur allt til brunns að bera en vantar reynslu og speglun í fyrstu 100 dögunum.

• Stjórnandi nær ekki tilsettum árangri og frammistaða einingarinnar er í uppnámi - hvort á að skipta honum út eða styðja við það sem vantar upp á?

• Samband stjórnar og framkvæmdastjóra er óljóst og væntingar í sitt hvora áttina.

Þekkir þú þessar áskoranir? Eski mótar með þér form stuðningsins - fastir fundir, tímabundið  hlutverk eða afmarkað verkefni - þannig að hann skili raunverulegum áhrifum á reksturinn.